ខេត្តកំពង់ស្ពឺ ៖ ដោយបានការដឹកនាំបញ្ជាដ៏ខ្ពង់ខ្ពស់ពី លោកឧត្ដមសេនីយ៍ទោ ឃឹម សុកខៃ ស្នងការនគរបា លខេត្ដកំពង់ស្ពឺ កំលាំងនគរបាលព្រហ្មទណ្ឌ នៃស្នង ការដ្ឋាននគរបាលខេត្ដ បានសហការស្រាវជ្រាវឃាត់ខ្លួន ជនត្រូវចោទ ឈ្មោះ អ៊ួច សុខអាន ភេទប្រុស ឆ្នាំកំណេីត ១៥ មិថុនា ១៩៨៩ រស់នៅភូមិឯកភាព ឃុំព្រៃវិហារ ស្រុកគងពិសី ខេត្ដកំព់ស្ពឺ។យោងតាមដីកាបង្គាប់ឲ្យនាំខ្លួនរបស់ លោក ទៀ ប៊ុនស៊ុននុ ចៅក្រមស៊េីបសួរសាលាដំបូងខេត្ដកំពង់ស្ពឺ ជនត្រូវចោទ ពាក់ព័ន្ធបទ៖ (ឆបោក) ប្រព្រឹត្ដនៅខេត្ដកំពង់ស្ពឺ អំឡុងឆ្នាំ២០២៤ ។
ស្នងការដ្ឋាននគរបាលខេត្តកំពង់ស្ពឺ បានចេញផ្សាយព័ត៌មានថា៖ ប៉ុន្មានថៃ្ងនេះមានសារព័ត៌មាន បានទទួលសម្ភាសន៍លេីបងស្រីម្នាក់ ឈ្មោះ អ៊ួច ណារិន រស់នៅភូមិ សង្រ្គាមបូរ ឃុំទួលអំពិល ស្រុកបសេដ្ឋ ខេត្ដកំពង់ស្ពឺ ដែលបានរៀបរាប់និងអះអាងថា ៖ គាត់បានចាញ់បោក ឈ្មោះ អ៊ួច សុខអាន និងបក្ខពួក ម្នាក់ទៀត ដោយអះអាងថា៖ ពួកគេមានសមត្ថភាពរត់ការរឿងក្ដីនៅតុលាការគ្រប់ជាន់ថ្នាក់ ទោះបីតុលាការណា ក៏ពួកគេអាចដោះស្រាយបានដែរ ដូច្នេះ ទេីបបងស្រីបានទៅខ្ចីលុយគេប្រមាណជាង (មួយមុឺន ដុល្លារអាមេរិក) ឲ្យមកពួកគេទាំងពីរនាក់ ទីបំផុត! លុយក៏បាត់ បំណុលក៏កេីន។កូនក៏ជាប់នៅក្នុងពន្ធនាគារដដែល ដែលរឿងនេះបងស្រីជាអ្នកចាញ់ឃោសនាជន(ឆបោក) អ៊ួច សុខអាន តែបែរជាមកនិយាយថា៖ គាត់ពឹងគេមិនបានមកអោយតុលាការជួយសងប្រាក់ ទៅបងស្រីវិញគ្រប់ចំនួនព្រមទាំងថ្លៃជម្ងឺចិត្ដ ផង។ សូមបងប្អូនពលរដ្ឋមេត្ដាពិចារណា លេីគ្រប់ទិដ្ឋភាពមុននឹងសម្រេចធ្វេីអ្វីមួយ ពិសេសពាក់ព័ន្ធករណី (រត់ការរឿងក្ដី) សូមកុំបន្ដទៀតទុកតួនាទីជូន ច្បាប់ជាអ្នកសម្រេចចុះ៕
No comments:
Post a Comment