ស្វាយរៀង÷ទំនិញចេញចូលឆ្លងដែននៅច្រកព្រំដែនប្រាសាទក្រុងបាវិតលាយឡំដោយអំពើពុករលួយនិងបំផ្លាញផ្លូវសាធារណៈ ទំនិញឆ្លងដែននៅច្រកព្រំដែនក្នុងភូមិកណ្ដាលសង្កាត់, ក្រុងបាវិតហាក់ដូចជា មិនមានការត្រួតពិនិត្យឲ្យបានច្បាស់លាស់នោះឡើយ។ ប្រភពពីប្រជាពលរដ្ឋបានឱ្យដឹងថា រថយន្តធំៗដឹកទំនិញខ្ពស់កប់ពពក ដែលច្បាស់ណាស់ថា បានបំផ្លាញផ្លូវនៅក្នុងមូលដ្ឋាន ខាងលើនេះនិងជាទំនិញបង់ពន្ធមិនគ្រប់។ ទាំងទំនិញនាំចេញនិងទំនិញនាំ ចូលហាក់ដូចជាមិនបានត្រួតពិនិត្យឲ្យបានច្បាស់លាស់នោះឡើយ។ ប្រការនេះវាបានបង្កឲ្យមានហានិភ័យយ៉ាងខ្លាំង ដល់ប្រជាពលរដ្ឋរួមទាំងការបាត់ បង់ចំណូលថវិកាជាតិ។ ដូច្នេះលោកអភិបាលខេត្តក៏ ដូចជាលោកស្នងការនគរបាលខេត្តមើលរឿងនេះផង។
ប្រជាពលរដ្ឋភូមិកណ្តាល សង្កាត់ប្រាសាទ ក្រុងបាវិត បានឲ្យដឹងថា ក្រុមឈ្មួញតូច,ធំមកពីបណ្តាខេត្តផ្សេងៗ សម្រុកដឹកជញ្ជូនទំនិញគេចពន្ធ ហើយដឹកលេីសទម្ងន់ធ្វេីឲ្យរងផលប៉ះពាល់ខូចផ្លូវហើយដឹកទំនិញសង្ស័យមិនបង់ពន្ធឆ្លងទៅវៀតណាមយ៉ាងពេញបន្ទុក រីឯលោកមេប៉ុស្តិ៍ និងសមត្ថកិច្ចពាក់ព័ន្ធច្រើនស្ថាប័ននៅច្រកព្រំដែនប្រាសាទ ជាអ្នកមានសិទ្ធិអំណាចបិទភ្នែកបត់ដុំដៃដើម្បីផលប្រយោជន៍ ទេីបឈ្មួញហ៊ានធ្វេីអ្វីៗតាមអំពេីចិត្ត។ ការណ៍ដែលពួកឈ្មួញហ៊ាន ដឹកជញ្ជូនទំនិញគេចពន្ធនិងអេតចាយ ឆ្លងដែនទៅវៀតណាមតាមរថយន្តវ៉េអង ធំយ៉ាងសុខសស្រួល ដោយឡែកនាយប៉ុស្តិ៍ច្រកព្រំដែនការពារប្រាសាទ និងសមត្ថកិច្ចពាក់ព័ន្ធច្រកនេះមិនទាន់ ចាត់វិធានការទប់ស្កាត់នៅឡេីយ។
ក្រុមឈ្មួញតូច ធំដឹកជញ្ជូនទំនិញគេចពន្ធផ្សេងៗ តាមរថយន្តវ៉េអងគ្របតង់ជិតៗ ចតនៅចំណុចភូមិកណ្ដាល សង្កាត់ប្រាសាទក្រុងបាវិត ហេីយមានរថយន្តវៀតណាម ចាំសាងទំនិញដឹកជញ្ជូន ឆ្លងដែនទៅវៀតណាមយ៉ាងសុខស្រួលបំផុត រីឯ នាយប៉ុស្តិ៍នគរបាលច្រកព្រំដែនប្រាសាទ និងសមត្ថកិច្ចពាក់ព័ន្ធនៅក្នុងខេត្តស្វាយរៀង ធ្វើមិនដឹងមិនឬអ្វីទាំងអស់។ ដូច្នេះហើយទើបសមត្ថកិច្ចពាក់ព័ន្ធនៅក្នុងក្រុងបាវិត និងនាយប៉ុស្តិ៍នគរបាលច្រកទ្វារតំបន់ប្រាសាទ អាចប្រើអំណាចនិងតួនាទីរបស់ខ្លួនប្រមូលលុយ បានយ៉ាងច្រើនសន្ធឹកសន្ធាប់ ក្នុង១ខែៗ ប្រហែលជាអាងខ្នងបង្អែករឹងមាំនៅពីក្រោយទេដឹង ទេីបបណ្ដែតបណ្ដោយ ឲ្យបក្សពួកឈ្មួញ ដឹកជញ្ជូនទំនិញ គេចពន្ធគ្របតង់ជិតៗ ឆ្លងដែនទៅវៀតណាម ដោយសេរី មិនខ្វល់ពីការរិះគន់។
បញ្ហានេះហើយទេីបប្រជាពលរដ្ឋនៅសង្កាត់ -ក្រុងបាវិត អំពាវនាវដល់ថ្នាក់ដឹកនាំក្រសួងមហាផ្ទៃ និងលោកប៉េង ពោធិ៍សា អភិបាលខេត្តស្វាយរៀង និង លោក ពេជ្រ វិរះ ស្នងការដ្ឋាននគរបាលខេត្តស្វាយរៀង ពិនិត្យឡេីងវិញខ្លះផង ចំពោះ នាយប៉ុស្តិ៍នគរបាលច្រកព្រំដែនប្រាសាទ ព្រមទាំង សមត្ថកិច្ចពាក់ព័ន្ធ ច្រកនេះបណ្ដែតបណ្ដោយ ឲ្យក្រុមឈ្មួញតូច ធំ នាំទំនិញគេចពន្ធតាមរថយន្តវ៉េអងសណ្ដោងវែងៗ ទៅវៀតណាមទាំងយប់ទាំងថ្ងៃ មិនទាន់មានវិធានការត្រួតពិនិត្យឲ្យបានត្រឹមត្រូវ។ ប្រជាពលរដ្ឋព្រួយបារម្ភថាបញ្ហាប្រមូលពន្ធ នៅច្រកព្រំដែនខាងលើនេះអាចនឹងជ្រោះរតាត់រតាយតាមដងផ្លូវ៕
No comments:
Post a Comment