លោកអធិការស្រុកត្រាំកក់ ទំនងផ្គើននិងបទបញ្ជារបស់ប្រមុខរាជរដ្ឋាភិបាលកម្ពុជា ស្តីពីការបង្ក្រាបបទល្មើសល្បែងស៊ីខុសច្បាប់នៅក្នុងមូលដ្ឋានរបស់ខ្លួន

 

តាកែវ÷ល្បែងសងអនឡាញ ក៏ដូចជាល្បែងមាន់ជល់ដីនៅក្នុងស្រុកត្រាំកក់ ខេត្តតាកែវ បានបើកលេងជាចំហ ខណះ

លោកអធិការនគរបាលស្រុកត្រាំកក់ ឌុក ធីយ៉ា រក្សាភាពស្ងៀមស្ងាត់ មិនទប់ស្កាត់បង្ក្រាប តាមបទបញ្ជារបស់ប្រមុខរាជរដ្ឋាភិបាល ក៍ដូចជាស្ថាប័នក្រសួងមហាផ្ទៃ ដើម្បីអនុវត្តន៍ នូវគោលនយោបាយ ភូមិឃុំមានសយវត្ថភាព។តាមសេចក្តីរាយការណ៍ បានឲ្យដឹងថា នៅក្នុងភូមិក្ងោកពង ឃុំពពេល ស្រុកត្រាំកក់ ខេត្តតាកែវ មានករណី បើកសង្វៀនមាន់ជល់ដី ដែលមានម្ចាស់ផ្ទះឈ្មោះចិត្ត អ្នកបើកសហការ ជាមួយម្ចាស់ផ្ទះ ឈ្មោះសិទ្ធ ។សូមជម្រាបថា ទីតាំងមាន់ជល់ដីនេះ កំពុងតែទាក់ទាញពីអ្នកញៀនល្បែងមកពីគ្រប់ទិសទី។

ដោយឡែកល្បែងស៊ីសងអនឡាញ ជាពិសេសក្រុមហ៊ុន R78 កំពុងដំណើរការ យ៉ាងពេញបន្ទុក ដែលមានម្ចាស់ផ្ទះ ឈ្មោះប្រុស និងឈ្មោះ ម៉ៅ នៅភូមិពោធិ៍ព្រះសង្ឃ ឃុំតាភេម ស្រុកត្រាំកក់ ខេត្តតាកែវ។ បើតាមប្រភពបានឲ្យដឹងថាអ្នកដែលកាងល្បែងអនឡាញតំណាងក្រុមហ៊ុន R78 ប្រចាំនៅស្រុកត្រាំកក់ ឈ្មោះ ធឿន។ តាមប្រភពប្រាប់ថាលោកធឿនកំពុងដើរពង្រាយកុំព្យូទ័រតាមផ្ទះប្រជាពលរដ្ឋនៅតាមភូមិនានាក្នុងស្រុកត្រាំកក់ ដើម្បីបើកមាន់ជល់អនឡាញក្រុមហ៊ុន R 78។

ពាក់ព័ន្ធនិងជុំវិញ ករណីខាងលើនេះ លោកអធិការនគរបាលស្រុកត្រាំកក់ លោក ឌុក ធីយ៉ា ទំនងផ្គើននិងបទបញ្ជារបស់ប្រមុខរាជរដ្ឋាភិបាលកម្ពុជា ស្តីពីការទប់ស្កាត់និងបង្ក្រាបបទល្មើសល្បែងស៊ីសង ខុសច្បាប់នៅទូទាំងរាជធានីខេត្ត ខណះល្បែងស៊ីសងខុសច្បាប់កំពុងបើកដំណើរការយ៉ាងរលូន ហេតុអ្វីបានជា លោក ឌុក ធីយ៉ា   មិនយកចិត្តទុកដាក់ក្នុងការបង្ក្រាប បទល្មើសល្បែងស៊ីសងខាងលើនេះ។ 

ដើម្បីអនុវត្តន៍ តាមបទបញ្ជា របស់ប្រមុខរាជរដ្ឋាភិបាលកម្ពុជា 

ក៍ដូចជាស្ថាប័នក្រសួងមហាផ្ទៃ និងដើម្បីចូលរួមអនុវត្តន៍ នូវគោលនយោបាយភូមិឃុំមានសុវត្ថិភាព លោកម៉ែន លី ស្នងការខេត្តតាកែវ ពិសេស លោកវ៉ី សំណាង ចៅហ្វាយខេត្តតាកែវ សូមមេត្តាជួយត្រួតពិនិត្យ ទីតាំងល្បែងស៊ីសងខុសច្បាប់ខាងលើ ដើម្បីមានវិធានការតាមផ្លូវច្បាប់ ឲ្យខាងតែបាន ខណះលោកអធិការស្រុក ត្រាំកក់ ឌុក ធីយ៉ា រក្សាភាពស្ងៀមស្ងាត់។