ស្រុកទេស កំពុងតែមានបញ្ហា ជាមួយចោរសៀម ឈ្លានពាន បែរជាក្រុមត្រីងៀតឆ្លៀតពង បើកល្បែងអនឡាញមាន់ជល់យ៉ាងគគ្រឹកគគ្រេង នៅក្រោយផ្សារត្រពាំងថ្លឹង ក្នុងសង្កាត់ចោមចៅ១

 

ភ្នំពេញ÷ក្រុមត្រីងៀតឆ្លៀតពង បានបើកល្បែងស៊ីសងមាន់ជល់អនឡាញ យ៉ាងគគ្រឹកគគ្រេង នៅក្រោយផ្សារ ត្រពាំងថ្លាំង ភូមិត្រពាំងថ្លឹង៤ សង្កាត់ចោមចៅ១ ខណ្ឌពោធិ៍សែនជ័យ  រាជធានីភ្នំពេញ ខណះពលរដ្ឋ វីរះកងទ៍ព និងប្រមុខរាជរដ្ឋាភិបាលកម្ពុជា កំពុងតែរួមកម្លាំងសាមគ្គីគ្គា ប្រឆាំងនិងចោរសៀមឈ្លានពាន។ ប្រភពបានបញ្ជាក់ថា ទីតាំងល្បែងស៊ីសងមាន់ជល់អនឡាញ យ៉នៅចំនុចភូមិត្រពាំងថ្លឹង៤ សង្កាត់ចោមចៅ១ ខណ្ឌពោធិ៍សែនជ័យ  រាជធានីភ្នំពេញ  កំពុងតែបើកដំណើរការយ៉ាងរលូន ដោយមិនមានវត្តមានរបស់អាជ្ញាធរនិងសមត្ថកិច្ច ក្នុងខណ្ឌពោធ៍សែនជ័យ មានវិធានការ ទប់ស្កាត់និងបង្ក្រាប តាមបទបញ្ជីរបស់ លោកឃួងស្រេង អភិបាលរាជធានីភ្នំពេញ ពិសេសប្រមុខរាជរដ្ឋាភិបាលកម្ពុជា ស្ដីពីការទប់ស្កាត់ បង្ក្រាបបទល្មើសល្បែងស៊ីសងគ្រប់ប្រភេទទូទាំងរាជធានីខេត្ត។

បើយោងតាម ប្រភពព័ត៌មាន បានបញ្ជាក់ថា ជាទូទៅគេតែងតែសង្កេតឃើញ ក្រុមអ្នកញៀនល្បែងស៊ីសងមាន់ជល់អនឡាញទាំងចាស់ ទាំងវ័យជំទង់ ទាំងប្រុស ទាំងស្រីតែងតែនាំគ្នា សម្រុកចូលទៅលេង យ៉ាងគគ្រឹកគគ្រេង ហាក់បីដូចជាមិនញញើតពីទោសទណ្ឌ បន្តិចណាសោះឡើយ។ ពាក់ព័ន្ធនឹងករណី ល្បែងស៊ីសង អនឡាញ នៅចំនុចទីតាំងខាងលើ លោកម៉ន វុទ្ធី  អធិការខណ្ឌពោធ៍សែនជ័យ និង លោកសក់ កាញ៉ារិទ្ធ  អភិបាលខណ្ឌពោធ៍សែនជ៍យ មិនគួរនាំគ្នារក្សាភាពស្ងៀមស្ងាត់ ផ្គើននិងបទបញ្ជា របស់លោកឃួង ស្រេង អភិបាលរាជធានីភ្នំពេញពិសេសប្រមុខរាជរដ្ឋាភិបាលកម្ពុជា ស្តីពីការទប់ស្កាត់ និងបង្ក្រាបបទល្មើសល្បែងស៊ីសង គ្រប់ប្រភេទ នៅទូទាំងរាជធានីខេត្តជាពិសេស គោលនយោបាយ ភូមិសង្កាត់មានសុវត្ថិភាព របស់ក្រសួងមហាផ្ទៃ។ 

មហាជនបានលើកឡើងថា ទាំងលោកម៉ន វុទ្ធី ទាំងលោកសក់ កាញ៉ារិទ្ធ ជាអធិការខណ្ឌពោធ៍សែនជ៍យ  និងជាអភិបាលខណ្ឌពោធ៍សែនជ៍យ  តើទទួលបានព័ត៌មាន ពីករណីល្បែងស៊ីសងអនឡាញ ខាងលើនេះ  ដែលឬទេ? ឬមួយក៏អស់លោក ទទួលព័ត៌មានបានដែរ តែធ្វើមិនដឹងមិនឮនាំគ្នារក្សាភាពស្ងៀមស្ងាត់ ឬមួយក៏អស់លោក ទទួលបានសំណែនយ៉ាងក្រាស់ក្រែល ពីម្ចាស់ទីតាំងល្បែងស៊ីសងអនឡាញមាន់ជល់ អស់ហើយទេដឹង? ទើបបានជាមិននាំគ្នាទប់ស្កាត់និងបង្ក្រាបតាមបទបញ្ជារបស់ថ្នាក់លើ។មហាជនបានលើកឡើងទៀតថា ទីណាមានល្បែងស៊ីសងខុសច្បាប់ ទីនោះនឹងមានករណីលួច ការប្រើប្រាស់ អំពើហិង្សា នៅក្នុងគ្រួសារ ការសេពគ្រឿងញៀន ជាដើម។ដូច្នេះហើយប្រជាពលរដ្ឋនៅក្នុងសង្កាត់ចោមចៅ១ ខណ្ឌពោធ៍សែនជ៍យ  ពួកគាត់តែងតែរំពឹងទៅលើអាជ្ញាធរ និងសមត្ថកិច្ចពាក់ព័ន្ធ ក្នុងការទប់ស្កាត់ និងបង្ក្រាបបទល្មើសល្បែងស៊ីសងគ្រប់ប្រភេទ នៅក្នុងមូលដ្ឋានរបស់គាត់ឲ្យខាងតែបាន។

ប៉ុន្តែផ្ទុយទៅវិញបទល្មើសល្បែងស៊ីសងមាន់ជល់អនឡាញខាងលើនេះ  កំពុងដំណើរការយ៉ាងរលូន ហេតុអីក៏អស់លោក មិននាំគ្នាទប់ស្កាត់និងបង្ក្រាប តាមបទបញ្ជារបស់លោកឃួង ស្រេង អភិបាលរាជធានីភ្នំពេញពិសេសប្រមុខរាជរដ្ឋាភិបាលកម្ពុជា ដើម្បីចូលរួមនូវគោលនយោបាយភូមិ សង្កាត់ មានសុវត្ថភាព។ពាក់ព័ន្ធជុំវិញករណីខាងលើនេះ មហាជនបានធ្វើការសំណូមពរដល់លោកជូនណារិន ស្នងការនគរបាលរាជធានីភ្នំពេញ ពិសេសលោកឃួង ស្រេង អភិបាលរាជធានីភ្នំពេញ សូមមេត្តាជួយត្រួតពិនិត្យ និងបង្ក្រាបទីតាំង ល្បែងស៊ីសងប្រភេទមាន់ជល់អនឡាញខាងលើនេះ ប្រកបដោយប្រសិទ្ធភាព។